EMRI| Ndalohet një person te Komuna e Parisit, i gjenden 400 gramë kokainë

Sektori kundër narkotikëve në Tiranë, ka vënë në pranga një person të identifikuar si Artur Zhuleku, të cilit iu gjet gjatë kontrollit fizik iu gjet një sasi prej 40 gramësh kokainë.

Personi në fjalë është ndaluar në rrugën “Bill Klinton”, në zonën e Komunës së Parisit.

Nga hetimet ka rezultuar se , pasi siguronte lëndë narkotike kokainë, e përgatiste atë në doza dhe i shpërndante ato në zona të ndryshme të Tiranës, kryesisht në zonën e Komunës së Parisit.

“Specialistët e Seksionit për Hetimin e Narkotikëve të DVP Tiranë, në vijim të punës për goditjen e aktivitetit kriminal të shitjes së lëndëve narkotike, bazuar dhe në të dhënat e siguruara në rrugë operative, kanë organizuar dhe finalizuar operacionin policor të koduar “Komuna”.

Si rezultat i këtij operacioni u arrestua në flagrancë shtetasi A. Zh., 47 vjeç, banues në Tiranë.

Në rrugën “Bill Klinton”, shërbimet e Policisë kanë lokalizuar shtetasin A. Zh., të cilit, gjatë kontrollit fizik, i gjetën dhe i sekuestruan 400 gramë lëndë të dyshuar narkotike kokainë”, njofton policia.

LEXONI GJITHASHTU: 

• Vidhet kasaforta në lokalin e dasmave, hajdutët marrin 25 mijë euro
• Kreu manovra të rrezikshme me mjet në rrugë, arrestohet 25-vjeçari në Tiranë
• 8 mijë fidanë kanabis brenda kraterit në Shkodër, pranga “bosit” të drogës