Zhduken mbi 600 plumba, Koreja e Veriut izolon një qytet të tërë

Udhëheqësi i Koresë së Veriut, Kim Jong Un, ka izoluar një qytet të tërë pas zhdukjes së 653 plumbave gjatë një tërheqjeje ushtarake.

Mediat e huaja, bëjnë me dije se  autoritetet e vendit kanë kontrolluar shtëpi më shtëpi në qytetin e Hyesan, i cili ka një popullsi prej rreth 200,000 njerëz, për gjetjen e tyre.

‘Qyteti do të jetë në izolim derisa të gjenden të gjithë plumbat”, thuhet në një njoftim të autoriteteve të vendit.

Plumbat u raportuan të zhdukura më 7 mars, kur ushtarët e Ushtrisë Popullore Koreane po tërhiqeshin nga zona përreth qytetit, e cila shtrihet në kufirin me Kinën.

Ata ishin vendosur atje në vitin 2020 për të zbatuar mbylljen e kufijve në fillim të pandemisë Covid-19.

Kur ndodhi, ushtarët nuk e raportuan fillimisht ngjarjen, por u përpoqën të gjenin vetë plumbat e humbur, sipas burimit. Por kur plumbat e humbur nuk u gjetën, ata njoftuan banorët dhe filluan një kërkim rigoroz.

Banorët janë të frikësuar se nuk do të gjendet një zgjidhje, me autoritetet që pritet të fajësojnë këdo që mund të jetë i pafajshëm.

LEXONI GJITHASHTU : 

• Video nga kamerat e trupit të policisë| Aksioni pas sulmit në shkollën në Nashville
• Vidhet kasaforta në lokalin e dasmave, hajdutët marrin 25 mijë euro