Të pagjeturit e luftës së Kosovës, në Serbi zbulohen mbetje mortore që dyshohet se janë të shqiptarëve

Në Kizhevak afër Rashkës në Serbi janë gjetur mbetje mortore që dyshohet se janë të shqiptarëve të Kosovës.

Në këtë vend vazhdojnë kërkimet që nga viti 2015. Pas gjetjes së këtyre mbetjeve tashmë eshtë zyra e prokurorit dhe gjykatësi do të përcaktojnë dinamikën e të gjitha aktiviteteve dhe do të urdhërojnë masat që duhet të ndiqen në atë vend

Që nga viti 2001, në territorin e Serbisë në katër lokacione janë zbuluar varreza masive me trupat e 941 shqiptarëve të vrarë në Kosovë më 1999.

Në bazë të të dhënave të publikuara nga organizata joqeveritare Fondi për të Drejtën Humanitare në bazë të raportit të Zyrës së UNMIK-ut për Personat e Zhdukur, në Batajnicë afër Beogradit që nga viti 2001 janë zbuluar 744 trupa të shqiptarëve të Kosovës; në Petrovo Selo në Serbinë verilindore të paktën 61 trupa; afër Liqenit Peruçac në Serbinë perëndimore 84 trupa, ndërsa eshtrat e para në varrezën masive të Rudnicës në Serbinë jugperëndimore u gjetën më 13 dhjetor 2013.

Ende jane 1,643 persona, për fatin e të cilëve nuk dihet asgjë që nga vitet 1998-‘99.