Zbulohen mbi 2 mijë fidanë kanabis në Shkodër, arrestohet 55-vjeçari

Policia e Shkodrës ka arrestuar një 55-vjeçar dhe ka shpallur në kërkim një 37-vjeçar, si autorë të dyshuar të tentativave për kultivim të bimëve narkotike.

Policia bën me dije se në kuadër të operacionit “Njësia”, janë asgjësuar 2150 fidanë në kubikë, gati për t’u kultivuar në tokë, konkretisht 1900 fidanë në territorin e fshatit Luarzë dhe 250 fidanë në territorin e fshatit Reç, anës lumit Buna.

Një pjesë e fidanëve u sekuestrua në cilësinë e provës materiale, ndërsa pjesa tjetër u asgjësua me anë të djegies.

“Në vijim të operacionit, në përfundim të veprimeve të para hetimore, specialistët për Hetimin e Krimeve të Komsiariatit të Policisë Shkodër arrestuan në flagrancë shtetasin F. B., 55 vjeç, si dhe shpallën në kërkim shtetasin Xh. B., 37 vjeç, si autorë të dyshuar të kultivimit të fidanëve narkotikë cannabis sativa”- njofton policia.

Materialet i kaluan Prokurorisë pranë Gjykatës së Rrethit Gjyqësor Shkodër, për veprime të mëtejshme, për veprën penale “Kultivimi i bimëve narkoitke”, kryer në bahskëpunim, më shumë se një herë.

LEXONI GJITHASHTU: 

• Lulzim Basha dorëzon në Këshillin e Evropës rezolutën për rindërtimin e Ukrainës
• Elon Musk ngre alarmin për inteligjencën artificiale: Rrezik për njerëzimin