Kosova pas 5 vitesh pa mjekë?! Në 15 muaj janë larguar me qindra infermierë

Ikja e stafit mjekësor nga Kosova është kthyer fenomen shqetësues. Sipas të dhënave të fundit nga Oda e Mjekëve të Kosovës, gjatë këtij viti deri më tani janë larguar dhjetëra mjekë. 

“vitin e kaluar kemi pasur 211 mjekë të cilët janë larguar, flasim për mjekë të rinj mesatarja e moshës 30 vjeç. Prej 211 diku te 60 kanë qenë mjekë në specializim, pjesa tjetër kanë qenë të sapodiplomuar mjekë të përgjithshëm”,-tha Pleurat Sejdiu, kryetar i odës së mjekëve të Kosovës.

Krahasuar me vitin e kaluar, Sejdiu thotë se numri i ikjeve pritet të jetë i njëjtë.

Ai tregon edhe arsyet kryesore te largimit të bluzave të bardha. 

 “Arsyeja kryesore e tyre, është papunësia, e dyta janë kushtet e specializimit, se kjo është një gjeneratë që është shumë më kërkuese, që do kualitet dhe dinamik të shkollimit specializimit dhe e treta është paga”,-tha Pleurat Sejdiu, kryetar i Odës së Mjekëve të Kosovës.

Sejdiu thote se institucionet shëndetësore publike nuk po vuajnë vetëm nga migrimi i mjekeve jashtë vendit, duke treguar edhe sektorët më të prekur.

“Ikja që lë keq spitalet është ikja e atyre që janë të punësuar dhe migrimi nga publiku në sektorin privat drejtpërdrejtë janë anestezistët dhe kirurgët”,-tha Pleurat Sejdiu, kryetar i Odës së Mjekëve të Kosovës.

Edhe tek infermierët situate nuk paraqitet aspak pozitive. Janë qindra te tille që kanë kërkuar nga Oda e Infermierëve të Kosovës që në 2022 dhe 2023 kanë kërkuar dokumentacionin që nevojitet për punë jashtë vendi.

LEXONI GJITHASHTU:

• Gjukanoviç: Serbia, ‘kopje’ e Rusisë në rajon, kërkon të sundojë disa vende
• 17-vjeçari vdes nga overdoza, rrëfehet ish-përdoruesi: Drogën e gjen kudo në Tiranë
• Rritet me 15 për qind çmimi i energjisë elektrike në Kosovë