Rikthehet Superliga Shqiptare, përballje interesante për kreun

Skuadrat e Superligës Shqiptare i kanë dhënë fund pauzës disa ditore, ndërsa tani do të zbresin sërish në fushë për vijimin e kampionatit. Java e 27-të luhet të shtunën dhe të dielën me dy përballje tejet interesante.

Ekipet e kreut do të synojnë të forcojnë edhe më tej pozitën e tyre, me dëshirën për të nisur shkëputjen nga njëra-tjetra.

Partizani kryesues udhëton drejt qytetit të Durrësit, ku të dyja skuadrat po kalojnë një formë të mirë. Që pas humbjes ndaj Kukësit, demat regjistrojnë 2 fitore dhe 1 barazim. Në anën tjetër, bardheblutë e Orges Shehit, luajnë në shtëpi përballë Erzenit.

Shijakasit e kanë humbur disi formën, por sërish mbeten ndër skuadrat që synojnë kreun e renditjes dhe gjenden vetëm 7 pikë larg Tiranës.

3 sfidat e tjera janë Kukësi-Egnatia, Vllaznia-Bylis dhe Kastrioti-Laçi. Aktualisht mbeten dhe 10 ndeshje deri në fundin e këtij sezoni futbollistik.

Superliga Shqiptare 22-23 është një nga garat më interesante të kësaj dekade ku skuadrat janë mobilizuar dhe kërkojnë përmbushjen e objektivave të vendosura në fillim të sezonit.

LEXONI GJITHASHTU

• Wimbledon pezullon ndalimin ndaj lojtarëve rusë dhe bjellorusë
• Barcelona merr vendim për Messin