Bylis surpriza e Superiores, ballshiotët thyejnë çdo pritshmëri duke arritur vendin e dytë

Bylis ishte një nga skuadrat që siguroi ngjitjen në Superiore në fundin e sezonit të shkuar. Si një skuadër debutuese ekipi ballshiot nuk konsiderohej si pretendent për vendet e para në klasifikim, por përlloharitjet në futboll edhe një herë vërtetuan se nuk nuk gjejnë vend.

Skuadra e Veljko Dovedan e sheh veten në vendin e dytë, një pikë pas Kukësit kampion dimri, pas 17 javësh të luajtura.

Bylis ka pësuar vetëm 3 humbje këtë sezon, më pak se çdo ekip tjetër këtë edicion, me 13 gola të pësuar, ballshiotët kanë mbrojtjen e dytë më të mirë.

Guindo ka shënuar 8 gola këtë gjysmë të parë të sezonit, duke qenë shënuesi më i mirë për ekipin e Bylisit, njëkohësisht dhe shënuesi më i mirë i kampionatit.

Pas një gjysmë sezoni pozitiv, Bylis ka krijuar identitetin e një ekipi që meriton respekt dhe pse jo të provojë edhe ndonjë mrekulli të rrallë, ndoshta si ajo e Leisterit të vitit 2016.