Gjendja e krizës në RMV, propozimi i presidentit Pendarovski do të miratohet nga qeveria

Maqedonia e Veriut është një hap para hyrjes në fuqi të gjendjes së krizës në të gjithë territorin e saj për shkak të shifrave të larta të të infektuarve dhe të vdekurve si pasojë e coronavirusit.

Gjendja e krizës u propozua nga presidenti Stevo Pendarovski, ndërsa sot pritet që ta miratojë qeveria.

Në gjendje krize qeveria mund të shfrytëzojë edhe kapacitetet e sektorit privat dhe të qytetarëve, nëse kjo është e nevojshme për të mirën e përgjithshme apo ruajtjen e shëndetit të popullatës.

Kështu qeveria do të mund të menaxhojë edhe spitalet private për të trajtuar pacientë të infektuar me Covid-19.

Qendra për Menaxhim e Krizës dhe Drejtoria për Mbrojtje dhe Shpëtim do jetë pika kryesore e koordinimit për situatën e krijuar. 

Lexoni gjithashtu:

‘Prej tri javësh, 30 për qind e testeve COVID dalin pozitive’, mjeku nga RMV: Pritet përkeqësim i gjendjes