Trump del sot para gjykatës, ja akuzat me të cilat përballet 

Ish-presidenti i SHBA-së, Donald Trump, po tërheq vëmendjen e publikut botëror si presidenti i parë amerikan në histori që ndiqet penalisht. Sot, ai del para dy gjyqtarëve – në Nju Jork dhe Uashington.

Trump përballet me hetime federale që rrjedhin nga trajtimi i tij i dokumenteve të klasifikuara të qeverisë pas largimit nga Shtëpia e Bardhë, përpjekjet e supozuara për të përmbysur humbjen e tij në zgjedhjet e vitit 2020 dhe një hetim në nivel shtetëror në Gjeorgji nëse ai u përpoq ilegalisht të anulonte rezultatet e zgjedhjeve të 2020-tës.

Përveç 34 akuzave të krimit për falsifikimin e të dhënave të biznesit, Trump përballet gjithashtu me një padi civile prej 250,000 dollarësh për mashtrim. Kjo, e fundit, u ngrit kundër tij nga prokurorja e shtetit Leticia James dhe e lidh atë me mashtrime të supozuara në biznesin e pasurive të paluajtshme.

Padia akuzon Trump, së bashku me individë të tjerë, për manipulim të vlerave të pronës për të marrë kredi të favorshme dhe lehtësime tatimore.

Për këtë arsye Trump ka mbërritur sot në Nju Jork, ku duhet të japë dëshminë e tij me këtë rast. Seanca dëgjimore do të mbahet me dyer të mbyllura.

Avokatja e tij Alina Babe deklaroi se ish-presidenti “jo vetëm që është i gatshëm, por ka një dëshirë të madhe të dëshmojë para prokurorëve të shtetit”.

LEXONI GJITHASHTU:

• Trump padit ish-avokatin e tij 500 milionë dollarë
• Nga Gates te Trump, si do të dukeshin miliarderët po të ishin të varfër sipas IA