Mesazhi i Lula-s nga Pekini: SHBA të mos nxisin luftën

Në takimin kokë më kokë të zhvilluar në Sallën e Madhe të Popullit, presidentët Lula da Silva dhe Xi Jinping janë shprehur të të njëjtit mendim se dialogu dhe negociatat janë rruga e vetme për të zgjidhur krizën në Ukrainë.

Gjithashtu, dy liderët kanë vlerësuar se të gjitha përpjekjet për të zgjidhur krizën në mëyrë paqësore duhet të inkurajohen dhe mbështeten nga të gjithë.

Për këtë arsye, Lula dhe Xi kanë ftuar sa më shumë vende që të luajnë një rol konstruktiv në promovimin e një zgjidhjeje politike të krizës dhe kanë vendosur në të njëjtën kohë të mbajnë të hapura kanalet e komunikimeve lidhur me këtë çështje.

Vetë Lula ka shprehur rezervat e tij për qasjen e Amerikës ndaj luftës.

“Shtetet e Bashkuara duhet të rreshtin së inkurajuari luftën dhe të fillojnë të flasin për paqen”., tha Lula.

Lula, i cili pas Kinës është nisur drejt Emirateve të Bashkuara Arabe, ka shtuar se edhe Bashkimi Evropian duhet të nisë të flasë për paqen.