Rëndohet gjendja e Skënder Gegës, trajneri i Kukësit dërgohet për mjekim në Turqi

Klubi i futbollit të Kukësit njoftoi paraditen e sotme se gjendja shëndetësore e trajnerit të saj Skënder Gega, i infektuar nga COVID-19, është rënduar ndjeshëm gjë që e ka bërë të nevojshme dërgimin e tij për trajtim në Turqi.

“Skënder Gega ka udhëtuar mëngjesin e sotëm drejt Turqisë. Gjendja shëndetësore e trajnerit u rëndua ditët e fundit dhe për një trajtim më të specializuar për mushkëritë, ka udhëtuar drejt Stambollit,” – tha klubi i Kukësit përmes një postimi në Facebook.

Më 12 nëntor Gega, 57 vjeç, u raportua se qe infektuar me COVID-19.

Katër muaj më parë ai nënshkroi për klubin verilindor rikthimin në drejtimin e një skuadre në Superligë pas përvojës në Jordani me Al-Faisaly Ammanin.

Gega, i cili në të shkuarën ka drejtuar edhe ekipet zinxhire të përfaqësueses shqiptare të futbollit, korri sukses me Partizanin ku në sezonin 2018-2019 arriti ta rishpallte kampione pas 26 vitesh.

Lexoni gjithashtu:

COVID-19 ‘pushton’ skuadrën e Kukësit, 3 pjesëtarë të tjerë të infektuar