Gjermani, një makinë përplaset në portën e zyrës së kancelares Merkel

Një makinë është përplasur në portën e zyrës së kancelares gjermane Angela Merkel të mërkurën.

Imazhe në rrjetet sociale shfaqnin një makinë që kishte një parullë që lexonte “Ju vrasës të mallkuar fëmijësh dhe të moshuarish”.

Foto të tjera nga skena kishin të shkruar “Ndal politikës së globalizimit” në anën tjetër të makinës.

[twitter_feed=https://twitter.com/AmichaiStein1/status/1331541787538841600]

Policia e Berlinit konfirmoi ngjarjen, por pa dhënë detaje nëse makina kishte arritur të përplasej me portën e zyrës së kancelares.

“Kolegët tanë janë në vendngjarje tek zyra e Kancelares së bashku me policinë federale. Një makinë ndaloi në portën e ndërtesës – po sqarojmë nëse shoferi e përplasi aty. Ai është arrestuar nga policia. Do t’ju përditësojmë me më shumë informacione”.

Automjeti Volkswagen Sedan kishte targa të zonës North Rhine-Westphalia të Lippe. Makina dhe porta shfaqnin shenja të lehta dëmtimi.

Ngjarja ndodhi gjatë një video-konference kyç të kancelares Merkel dhe krerëve gjermanë të shtetit që lidheshin me zgjatjen e masave të bllokadës në vend.

Nuk ka raporte aktuale për viktima, raporton Deutsche Welle.

Lajmi në përditësim…