E zbulojnë satelitët: Kina po rrit praninë e saj në Antarktidë

Qendra për Studime Strategjike dhe Ndërkombëtare (CSIS) me qendër në Uashington tha se, bazuar në imazhet e reja satelitore që ka mbledhur, Kina po rrit praninë e saj në Antarktidë duke vazhduar ndërtimin e një stacioni kërkimor në kontinent.

Imazhet satelitore, siç raportohet nga CSIS, tregojnë se ndërtimi ka rifilluar për herë të parë që nga viti 2018.

Pekini po kërkon të zhvillojë rrugë të reja transporti në Arktik dhe të zgjerojë kërkimet e tij në Antarktidë, por qeveritë perëndimore shqetësohen se prania në rritje e Kinës në rajonet polare mund t’i sigurojë ushtrisë së saj kushte më të mira mbikëqyrjeje, sipas Reuters.

Stacioni i ri, në të ashtuquajturin ishull i Pashprehur pranë Detit Ross, pritet të përfshijë një observator me një stacion tokësor satelitor dhe duhet të ndihmojë Kinën “të mbushë një boshllëk të madh” në aksesin në kontinent, thuhet në raportin e CSIS.

LEXONI GJITHASHTU:

• A duhet të shqetësohemi se “ngjitësi i akullit” në Antarktidë po shkrihet?
• 91-vjeçarit i kthehet portofoli i humbur në Antarktidë në vitet ’60