Ish-drejtuesi i policisë: Arma që vrau biznesmenin s’përdoret nga krimi i organizuar

Ish-drejtuesi i policisë, Arben Hajdarmataj tha në një intervistë për Euronews Albania se arma e përdorur nga atentatori i biznesmenit, Ardian Nikulaj në Shëngjin është një armë e vjetër që nuk përdoret më nga organizata të krimit të organizuar.

Pistoleta TT, me të cilën mendohet të jetë kryer vrasja, është një armë e vjetër që sipas tij nuk është e sigurt në duart e një joprofesionisti, ndaj autori mund të mos jetë një vrasës me pagesë.

“Nëse do flasim se përdori një armë të tipit “TT”, është një armë model i vjetër që krimi i organizuar nuk e përdor më. Kjo armë nuk është e besueshme në duart e një autori i cili mund të jetë profesionist. Në rast se ekziston kjo lloj arme e tipit “TT”, kjo është një armë shumë e fuqishme, por nga vitet e prodhimit që kjo armë ka mund të mos jetë e sigurt në atentate të tilla. Duke i analizuar të gjitha, më lënë të dyshoj te ana profesionale e autorit”, – tha ish-drejtuesi i policisë.

LEXONI GJITHASHTU:

• Vrasja e vëllait në ’91/ Gjakmarrja pistë e mundshme për vrasjen e biznesmenit?
• Viktima duke pirë kafe, momenti i ekzekutimit të biznesmenit në Shëngjin