Serbët të ndarë| Zgjedhjet në veri të Kosovës, frikë për tensione etnike

Në veriun e Kosovës, të populluar nga serbët, po mbahen zgjedhjet lokale. Procesi elektoral ka shkaktuar tensione etnike dhe frikë për incidente të mundshme.

Për këtë arsye, prania e policisë vendase dhe ajo e kontingjenteve të KFOR-it janë në gatishmëri.

Presidenti serb, Aleksandar Vuçiç tha të shtunën se pakica serbe do t’i bojkotojë zgjedhjet. Ndërkohë që vetë serbët janë të ndarë sa i takon pjesëmarrjes.

“Këto zgjedhje janë njësoj si të tjerat më parë dhe nëse ne, serbët, nuk marrim pjesë, atëherë cilat janë shpresat tona për të ardhmen?” tha Sladjana Pantoviç, kandidate e pavarur për Zveçanin.

“Këto zgjedhje nuk duhet të mbaheshin, duheshin shtyrë për dy ose tre muaj. Ky nuk është momenti i duhur për zgjedhje”, u shpreh Nenad Igiç, banor.

Në total 11 kandidatë garojnë për kryetar bashkie të Mitrovicës Veriore, Zubin Potokut, Leposaviçit dhe Zveçanit; ndërsa 60 kandidatë për këshillin bashkiak të Zveçanit dhe Leposaviçit. Qendrat e votimit mbyllen në orën 10.

LEXONI GJITHASHTU:

• Sot mbahen zgjedhjet në veri të Kosovës
• BE bën thirrje për zgjedhje të qeta në veri të Kosovës