Arrestohet 25-vjeçari në Kavajë, në kërkim për plagosje të rëndë në Itali

Një 25-vjeçar është arrestuar në Kavajë pasi ishte shpallur në kërkim ndërkombëtar për një plagosje të rëndë me armë në Itali.

Autoritetet italiane e akuzojnë si bashkautor të ngjarjes që ka ndodhur më 3 mars 2022. Ai është arrestuar provizorisht, me qëllim ekstradimin drejt Italisë.

25-vjeçari ishte shpallur në kërkim ndërkombëtar, pasi Gjykata e Parmas i ka caktuar masën e sigurisë “Arrest në burg”, për veprat penale “Plagosja e rëndë” dhe “Mbajtja pa leje e armëve të zjarrit”, të parashikuara nga Kodi Penal i Italisë, thuhet në njoftimin e policisë.

Interpol Tirana, në bashkëpunim me Interpol Romën, vijojnë procedurat për ekstradimin e këtij shtetasi, drejt Italisë.

LEXONI GJITHASHTU:

• Interpol: Mbi 200 tonë drogë janë konfiskuar në Amerikën Latine
• Aksionet në 15 vende: Interpoli sekuestron armë dhe drogë me vlerë 5.7 mld dollarë