Koalicioni Meta-Berisha prezent vetëm në gjysmat e tavolinave më 14 maj

Koalicioni opozitar “Bashkë fitojmë” do të jetë i pranishëm në grupet e numërimit të votave të 14 majit me një përfaqësues vetëm në gjysmat e tavolinave. Shorti i hedhur këtë të martë në KQZ, përcaktoi se përfaqësuesi i koalicionit Meta-Berisha në grupet e numërimit të votave do të jetë në tavolinat që do të kenë numër tek.

Në gjysmat e tavolinave të tjera, anëtari i katërt i grupeve të numërimit do të jetë përfaqësues i PDIU. Ndërkohë 3 anëtarët e tjerë, 2 janë përfaqësues të Partisë Socialiste dhe 1 do të jetë përfaqësues i Partisë Demokratike.

Sakaq, në mbledhjen e kësaj të martë është diskutuar edhe për ankimin e përfaqësuesve të koalicionit “bashkë fitojmë” për billborderat që ka vendosur Partia Socialiste në Tiranë dhe në disa rrugë nacionale.

Komisioneri Celibashi vendosi që t’i kërkohet Partisë Socialiste që në banera të specifikohet që bëhet fjalë për materiale propagandistike të fushatës zgjedhore.

LEXONI GJITHASHTU:

• Alibeaj në Patos: Trinomi Rama, Berisha, Meta i kanë zënë frymën popullit që nga ‘98
• Berisha akuzon ambasadorin britanik: Ka shpifur, do i bëj të gjitha publike