Renditja e FIFA-s, Shqipëria fiton 3 pozicione, Kosova në vend të 117

Pas dy fitoreve ne Nations League përballë Kazakistanit dhe Bjellorusisë dhe ngjitjes në ligën B përfaqësuesja shqiptare e futbollit ka fituar 3 pozicione në renditjen e përgjithshme të FIFA-S.

Kuqezinjtë ndodhen në vendin e 66 duke lënë pas skuadra si Arabia Saudite, Bullgaria apo Kanadaja.

Pavarësisht ndryshimit të renditjes kombëtarja do mbetet në vazon e katër të shortit për kualifikueset e kampionatit Botëror që është parashikuar që të hidhët në datën 7 dhjetor.

Ndërkohë që Kosova pavarësisht paraqitjeve jo të mira në ndeshjet e fundit nuk ka lëvizura asnjë pozicion, Dardanët renditen në vendin e 117.

Për sa i takon kreut të klasifikimit nuk ka ndryshime. Belgjika mban vendin e pare dhe ndiqet nga Franca, Brazili apo Anglia. Ndërsa skuadra si Gjermania, Danimarka dhe Holanda kanë ngjitur nga një pozicion po ndodhen ende lart Kreut të renditjes.