Shtohen tensionet mes Serbisë dhe Malit të Zi, dy shtetet dëbojnë ambasadorët

Mali i Zi ka dëbuar ambasadorin serb dhe Serbia ka replikuar me dëbimin e ambasadorit malazez, e gjithë kjo teksa tensionet mes dy vendeve rriten.

Qeveria pro-perëndimore në largim e Malit të Zi përmendi “ndërhyrjen e gjatë dhe të vazhdueshme në punët e brendshme të Malit të Zi”, si arsyen e veprimit dhe i kërkoi ambasadorit serb Vladimir Bozovic të largohej nga vendi.

Kjo kërkesë erdhi një ditë para inaugurimit të planifikuar të një qeverie të re, pro-serbe në Malin e Zi.

Ministria e Jashtme e Serbisë tha të shtunën se u përgjigj në një “mënyrë reciproke”.

Media e drejtuar nga shteti raportoi se ambasadorit malazez, Tarzan Millosheviç iu kërkua të linte Serbinë brenda 72 orësh.

Incidenti diplomatik shton marrëdhëniet tashmë të tensionuara midis dy shteteve të Ballkanit që ishin pjesë e një vendi të përbashkët para se të bëhej referendumi i vitit 2006 që çoi në ndarjen e Malit të Zi.

Mali i Zi mbetet thellësisht i ndarë mes atyre që kërkojnë lidhje më të ngushta me aleatët tradicional sllavë, Serbinë dhe Rusinë, dhe atyre që e shohin Malin e Zi si një shtet të pavarur aleat me perëndimin.

Lexoni gjithashtu: 

Mali i Zi nesër në zgjedhje, partia pro-perëndimore e Gjukanoviç përballë forcave pro-serbe

Meta, Rama dhe Basha apel shqiptarëve për bashkim: Dilni masivisht në zgjedhjet e Malit të Zi

Zgjedhjet në Malin e Zi, Cakaj: Mbështesni ‘Listën Shqiptare’ në këtë moment vendimtar