Vrasja e Ridvan Hysenit në Shkodër, arrestohet një nga autorët e dyshuar

Gjatë mesnatës Policia e Shkodrës ka arrestuar Milkjor Gjokën, një nga autorët e dyshuar të vrasjes së Ridvan Hysenit (Ramazani). 

Po kështu, janë arrestuar edhe dy persona të tjerë B. M. 49 vjeç dhe M.G 49-vjeçe për moskallëzim të krimit.

Ndërkohë në kërkim për vrasjen janë dy vëllezërit, Duel Mehmedaj dhe Hydajey Mehmedaj. 

“Në kuadër të kontrolleve, gjatë orëve të mbrëmjes, nga shërbimet e Policisë u bë e mundur kapja dhe arrestimi i shtetasit Milkjor Gjoka, 25 vjeç, lindur dhe banues në fshatin Dajç, Shkodër, për veprën penale “Vrasja me paramendim” e kryer në bashkëpunim.

Si dhe u shpallën në kërkim dhe vijon puna për kapjen e dy vëllezërve Hydajet Mehmedaj 33, vjeç dhe Duel Mehmedaj, 31 vjeç, banues në Mushan, Shkodër”, thuhet në njoftimin e Policisë.

Ndërsa në vendin e ngjarjes policia ka sekuestruar një armë zjarri pistoletë, dy krehëra me fishekë pistolete, gëzhoja të armës automatike, automjetin e viktimës dhe prova të tjera të vlefshme.

Ngjarja e rëndë ndodhi paraditen e djeshme në zonën e Dajçit në Shkodër pranë një karburanti, gjatë një konflikti për motive të dobëta. 

Autorët e dyshuar, gjatë paradites ishin konfliktuar me djalin e Ridvanit dhe më pas dyshohet se ky i fundit ka ndërhyrë për të sqaruar situatën dhe për pasojë ka mbetur i vrarë me armë zjarri. Trupi i Hysenit u gjet i pajetë brenda një makine.

Edhe pse në vendin ku ndodhi vrasja ka pasur kamera sigurie, burime të policisë thanë se ato nuk kanë funksionuar në momentin e ngjarjes dhe nuk është regjistruar asgjë.

Viktima, Ridvan Hyseni ishte person me precedentë penalë dhe dyshohet të jetë autor i disa ngjarjeve të rënda të ndodhura që prej viteve 2008-2009 në Shkodër.

Lexoni gjithashtu:

Zbardhet vrasja në Shkodër, dyshohet për tre autorë, identifikohet njëri prej tyre

Ekzekutimi në Shkodër l Policia identifikon autorët e dyshuar, zbulohet motivi