Milan i pandalshëm në Itali, Barcelona rikthehet tek suksesi

Pas nëntë javësh, Milan vijon të jetë i pathyeshëm në Serie A. Edhe pa Zllatan Ibrahimovic, kuqezinjtë fituan me rezultatin 2-0 ndaj Fiorentinës.

Milan ishte dominues që në pjesën e parë, ku arriti që të shënonte dy gola. Fillimisht Romanjoli u tregua i saktë pas ekzekutimit të një goditje nga këndi, ndërsa më pas Kessi nuk gaboi nga pika e bardhë e penalltisë.

Pesë minuta para fundit të pjesës së parë kuqezinjtë shpërdoruan dhe një tjetër 11-metërsh, me Kessin që shpërdoroi mundësin për të shënuar golin e dytë persona.

Në pjesën e dytë pavarësisht këmbënguljes së të dyja ekipeve, rezultati nuk ndryshoi deri në fund, kjo dhe për meritë të Donarumës, që ishte shpëtimtar në disa raste.

Në kampionatin spanjoll, Barcelona u rikthye tek fitorja, duke mundur me rezultatin 4-0 Osasunën. Braithwaite, Grizman, Kutinio dhe Mesi ishin autorët e golave për Barçën, që këtë edicion i ka bërë një nisje të dobët kampionatit. Pas këtij suksesi skuadra katalanase arrin në kuotën e 14 pikëve.