Nikulaj darkë më vrasësit, njëri luajti bilardo me djalin e viktimës

Ardian Nikulaj ka konsumuar darkë me disa nga bashkëpunëtorët e vrasjes së tij.

Në pamjet e siguruara dhe që janë bërë publike në media, duken informatorët që hyjnë në lokalin e biznesmenit të tjerë. Ata hiqen si turistë dhe darkojnë me shënjestrën e tyre.

Ndërkohë, në një tjetër video duket bashkëpunëtori që luan bilardo me djalin e viktimës, çka dëshmon se autorët po e studionin deri në detaje Ardian Nikulajn, para se të vinin në zbatim planin e tyre.

Edmond Haxhia ishte ai që porositi shtetasit e huaj për të kryer vrasjen e biznesmenit. Planit nisi para tre muajsh, kur Haxhia mbërriti në Shqipëri dhe nisi të studionte lëvizjet e objektivit dhe rrugët që do të ndiqnin pas kryerjes së vrasjes.

Pas tij, më 14 shkurt në Shqipëri mbërriti ekzekutori portugez Ruben Saraiva, i cili qëndroi në Shkodër për gati dy muaj në një banesë të marrë me qira dhe shpesh herë është kapur nga kamerat e sigurisë dhe pranë lokalit “Coral” në Shëngjin duke ndjekur objektivin e tij. Në pjesën më të madhe të rasteve, ai lëvizte me të njëjtat rroba dhe me të njëjtin maskim.

LEXONI GJITHASHTU:

• Provat e reja për vrasjen e Nikulajt, zbulohet ADN e britanikut në mjetin e Haxhisë
• Mediat britanike për vrasjen e Nikulajt: Familjet ishin në sherr për rreth 80,000£