GJKKO ndryshon masën e sigurisë për Arben Carën, burri i gjyqtares akuzohet për korrupsion

Gjykata e Posaçme Kundër Krimit dhe Korrupsionit ka ndryshuar masën e sigurisë për Arben Carën, bashkëshortin e gjyqtares Mimoza Margjeka, të akuzuar për korrupsion.

Gjykata vendosi masën e “arrestit shtëpiak” për Carën, pas kërkesës se avokatëve të tij mbrojtës.

Sipas Prokurorisë Cara akuzohet se mori një shumë prej 6 mijë euro, duke ia dhënë bashkëshortes se tij, për të ndryshuar masën e sigurisë për një të arrestuar për trafik klandestinësh.

Ky i fundit ishte arrestuar për veprën penale “Ndihmë për kalim të paligjshëm të kufijve”.

Më herët gjykata ka ndryshuar edhe masën e sigurisë për Margjeken, nga arrest shtëpie, në detyrim paraqitje.