Tentuan të kalonin kufirin, me dokumente të falsifikuara, procedohen 2 iranianë

Dy shtetas iranianë janë proceduar penalisht pasi kanë tentuar të kalojnë kufiri me dokumente te falsifikuara.

Policia bën me dije se në pikën Kufitare të Portit Vlorë, në vijim të kontrolleve të detajuara të dokumentacionit që paraqesin shtetasit që hyjnë dhe dalin në këtë pikë të kalimit kufitar, kanë evidentuar dhe goditur dy raste të tentativës për të kaluar kufirin në mënyrë të paligjshme, me dokumente false.

“Në përfundim të veprimeve hetimore u referuan materialet në Prokurori dhe nisi procedimi penal për shtetasit iranianë M. M., 52 vjeç dhe M. G., 57 vjeç”- njofton policia.

Gjatë kontrollit të detajuar të dokumenteve, rezultoi se dokumentet që dy shtetasit kishin paraqitur, ishin të falsifikuara.

Materialet i kaluan Prokurorisë, për veprime të mëtejshme.

LEXONI GJITHASHTU: 

• Charles mbërrin në Buckingham Palace
• Avokati Hasani: Njerëzit presin prej një jave në tenda për kurorëzimin e Mbretit