Përgjysmimi i dënimit të serbit Darko Tasiç, Gjykata e Apelit: U dënua më shumë sesa parashikonte ligji

Gjykata e Apelit në Kosovë ka sqaruar opinionin publik pas reagimeve që kanë ardhur për përgjysmimin e dënimit të shtetasit serb, Darko Tasiç.

I akuzuar për krime lufte dhe i dënuar sipas ligjeve të ish-Jugosllavisë, që ishin në fuqi atëherë, Gjykata e Apelit thekson se për Tasiç, janë dhënë vite burg më shumë seç parashikonte ligji.

Gjithnjë sipas gjykatës, Tasiç ishte nën akuzë për “Plaçkitje të sendeve të paluajtshme” dhe për “Përdhosje të kufomave”, që të dyja vepra penale që nuk trajtohen si të veçanta, bazuar në Konventën e Gjenevës.

Akuzat e vrasjes, rrahjes, apo torturave të popullsisë nuk qëndronin në rastin në fjalë dhe Gjykata e Apelit e ka gjetur me vend që t’i zbresë vitet e  tepërta të burgut, që Tasiç kishte marrë.

Darko Tasiç u arrestua në vitin 2017 teksa hynte në Kosovë nga Mali i i Zi.

Disa muaj më parë, ai u dënua me 22 vjet burg nga Gjykata Themelore në Prizren. Me vrasjet e kryera në këto fshatra, ku sipas banorëve, shumica e të dyshuarve janë serbë lokalë, familjet që mbijetuan, mbetën kryesisht në fëmijë të vegjël e gra. Serbët vranë, dogjën e zhdukën meshkuj nga mosha 13 deri 85 vjeç.

Lexoni gjithashtu:

”Drejtësi për të vrarët”, kryetari i Gjykatës së Apelit përballet me protestuesit e Krushës