Mosmarrëveshjet me Bullgarinë, Albert Musliu: Zaev po tenton të zbusë atmosferën, po tregon maturi

Analisti Albert Musliu sa i përket mosmarrëveshjeve mes Maqedonisë së Veriut dhe Bullgarisë deklaroi në Euronews Albania se Zoran Zaev po tenton që të zbusë atmosferën e krijuar.

Sipas tij Zaev po tenton që të mos lejojë që Maqedonia e Veriut të hyjë me Bullgarinë në një kontekst 10-vjeçar, ashtu siç e kishte me Greqinë.  

“Marrëveshja për fqinjësinë është nënshkruar më 1 gusht të 2017.

Realisht problemi me COVID e ngadalësoi punën e komisionit. Zgjedhjet në Maqedoni ngadalësuan punën e komisionit edhe kjo u dha mundësi fjalorit pak më nacionalist dhe provokues, por jo rrallë herë edhe të ministres së Jashtme të Bullgarisë. Zaev u tregua optimist, mbase tenton të zbusë atmosferën, e cila në Maqedoni ka sjellë edhe në gjuhë urrejtje, në mediat sociale por edhe nga deputetë e opozitës.

Zaev tenton me atë qasje pozitive, që të mos lejojë që Maqedonia të hyjë me Bullgarinë në një kontekst 10-vjeçar, ashtu siç e kishim me Greqinë”, u shpreh ai.

Z. Musliu theksoi më tej se nëse qeveria maqedonase tregon muskujt si Bullgaria, i rrezikohen negociatat.

“Qeveria ka një qasje pak më të mirë të maturisë. Mbase nëse tregon muskujt edhe Maqedonia me të njëjtën mënyrë siç i tregojnë disa politikanë bullgarë, Bullgaria çdo herë i ka instrumentet për të na bllokuar fillimin e negociatave”, deklaroi z. Musliu.

Lexoni gjithashtu:

Eurodeputetët Kyuchyuk dhe Schieder: Shtyrja e bisedimeve për anëtarësim të RMV-së mesazh i gabuar për rajonin

Pengesa e anëtarësimit: Zënka për rrënjët bullgare, Sofja bllokon anëtarësimin

Mosmarrëveshjet me Bullgarinë, Zaev: Ka përparim. Milloshovski: Qeveria duhet të jetë raportuese e rregullt