Kosova miraton ligjin për “Rimëkëmbje Ekonomike”

Kuvendi i Kosovës ka miratuar Ligjin e Rimëkëmbjes Ekonomike, pas disa tentativash të dështuara.

Me 72 vota vota pro, asnjë kundër dhe asnjë abstenim, deputetët kanë pranuar projektin e hartuar nga ekspertët e qeverisë.

Në këtë votim, deputetët e Vetëvendosjes nuk morën pjesë. Kryeministri Avdullah Hoti, duke falënderuar të pranishmit për votën, u shpreh se kjo paketa është ndër më të mëdhatë në rajon.

“ Më lejoni t’ju them se në bazë të studimeve të Fondit Ndërkombëtar  për vendet në rajon dhe më gjerë, në terma realativë proporcionalisht, pakoja jonë e rimëkëmbjes është ndër më të mëdhatë në rajon dhe më gjerë si për qindje e PBB-së. Besoj që për atë që kemi pasur mundësi kemi mburritur dy efekte. Parandalimin e largimit të bizneseve nga tregu dhe parandalojmë që familjet të bien nën pragun e varfërisë.

Hoti para deputetëve tregoi përfitimet e miratimit të Projektligjit për rimëkëmbje ekonomike.

“Ajo që është e veçantë në këtë ligj është tërheqja e 10 për qind nga Trusti Pensional që nënkupton mbi 200 milionë shtesë në qarkullimin shtesë në ekonomi dhe buxhetin e familjeve në Kosovë. Madje përdorimi i mjeteve për fondin e privatizimin për fondin e vitit 2021, që është pjesë e buxhetit të ardhshëm. E po ashtu një listë e gjatë e lehtësirave për bizneset që është shtyrja e tatimit për korporatave, lirimi i bizneseve për ndëshkime në pagesat e tatimeve”, tha ai.