FOTO l Tirana-Partizani barazim pa gola, vëmendja te arbitrja dhe fusha e dëmtuar

Tirana dhe Partizani u ndanë në barazim pa gola në ndeshjen e parë të javës së gjashtë të Superiores. Në “Air Albania” të dyja skuadrat e kryeqytetit nuk mundën që të gjenin rrugën e rrjetës, duke ndarë pikët në përballjen e tyre të parë sezonale.

Ekipet u treguan të kujdesshme për të mos pësuar, duke krijuar pak raste për shënimi, kryesisht në pjesën e dytë.

Pas këtij barazimin, Partizani e sheh veten përkohësisht në vendin e parë me 11 pikë. Në anën tjetër, bardheblutë e drejtuar nga trajneri Nevil Dede nuk fitojnë që prej 5 javësh, me teknikun i cili ende nuk e ka gëzuar suksesin e parë në krye të stolit të kampionëve në fuqi.

Gjatë takimit ra në sy gjendja e rënduar e fushës, e cila u bë një pengesë për futbollistët, por dhe prania në arbitrim e një gruaje.  

Java e gjashtë e Superiores do të mbyllet të shtunën, me Teuta-Kastrioti, Vllaznia-Bylis, Skënderbeu-Laçi dhe Kukësi-Apolonia.