Mercedes në “pole position”, dyshja Bottas-Russell do e nisin garën e së dielës

Edhe pse Lewis Hamilton do të mungojë në garën e kësaj të diele, Mercedes do të jetë në “pole position” me dy pilotët e saj, Valtteri Bottas dhe George Russell.

 Në provat e zhvilluara këtë të shtunë për çmimin e madh të Bahreinit vijoi dominimi i Mercedes, që konfirmohet si skuderia më e mirë e sezonit.

Max Verstapen i Red Bull ishte shumë pranë Russell, por duhet të mjaftohet me vendin e tretë. Sinjale pozitive dhe nga Ferrari, që me LeClerc do të nisë garën nga vendi i katërt.

E vetmja gjë që nuk ka dyshuar në këtë fund sezoni është ecuria negative e Sebastian Vettel, i cili nuk shkoi më shumë se vendi i 13-të.

Lewis Hamilton e ka siguruar titullin e  shtatë kampion bote që pas çmimit të madh të Turqisë, por nuk do të jetë në garën e kësaj të diele, pasi pak ditë më parë u konfirmua si i prekur nga covid.