Nis sot testimi i shpejtë për COVID, Manastirliu: Do të hapen disa pika në Tiranë dhe në qytetet e tjera

Ministrja e Shëndetësisë dhe Mbrojtjes Sociale, Ogerta Manastirliu, përmes një postimi në Facebook ka dhënë lajmin se sot nis kryerja e testeve të shpejta për COVID-19. 

Sipas ministres, janë siguruar 100 mijë teste të shpejta dhe nga sot do të nisë apikimi në Tiranë dhe më pas në qytete të tjera në vendit. 

“Nga sot ekipet e epidemiologëve të terrenit do të kryejnë edhe testet e shpejta, përveç testimit me metodën PCR, duke rritur aksesin për qytetarët për testimin në kohë dhe të sigurt. 

100,000 teste të shpejta të siguruara dhe do të vijojmë të rrisim kapacitetet me të dy metodat e testimit.