Presidenti i zgjedhur i SHBA-së Joe Biden shpreh vlerësimin e tij për Dr. Fauci

Presidenti i zgjedhur i Shteteve të Bashkuara të Amerikës, Joe Biden ka komplimentuar dhe vlerësuar punën e Dr. Anthony Fauci, ekspert i sëmundjeve infektive i cili mban postin e drejtuesit të Institutit Kombëtar të Alergjive dhe Sëmundjeve Infektive në SHBA, gjatë pandemisë.

Joe Biden është shprehur nëpërmjet një postimi në faqën e tij zyrtare në Twitter se:

“Dr. Fauci nuk është vetëm një nga ekspertët tanë kryesorë në luftën kundër viruseve, ai është një njeri i mirë dhe një nëpunës publik i palodhur.
 Ai u ka shërbyer gjashtë presidentëve dhe na udhëhoqi përmes disa prej sfidave tona më të vështira.

Administrata jonë dhe vendi ynë do të jenë më të forta për shkak të udhëzimeve të tij.”

Dr. Fauci ka patur shpesh debate me presidentin aktual të SHBA-së, Donald Trump, lidhur me masat parandaluese të COVID-19 që janë ndërmarrë në SHBA.

Mjeku ka qenë gjithnjë shumë kritik ndaj politikave dhe mesazheve të Trump për pandeminë.

 Dr. Fauci isn’t just one of our foremost experts on combating viruses—he is a good man and a tireless public servant. He has served six presidents and led us through some of our toughest challenges.

Our administration, and our country, will be stronger because of his guidance.

— Joe Biden (@JoeBiden) December 7, 2020