Racizëm në Champions League, ndërpritet ndeshja mes PSG dhe Basaksehir, akuza ndaj arbitrit të katërt

Ndeshja e Champions League mes PSG dhe Bashakshehir u ndërpre pas minutës së 14.

Diçka e tillë ndodhi pasi lojtarët e skuadrës turke pretenduan se gjyqtari i katërt kishte përdorur shprehje raciste.

Reagimi i arbitrit rumun nervozoi lojtarët, të cilët u përplasën verbalisht dhe kërkuan llogari tek të dërguarit e UEFA-s, duke kërkuar largimin e gjyqtarit të katërt, ose në të kundërt nuk do të vazhdonin lojën.

Vendimi u përkrah dhe nga futbollistët e skuadrës franceze.

Sa i takon ndeshjeve të tjera, u kualifikuan për në raundin me eliminim direkt Lacio dhe Lajpcig.

Cristiano Ronaldo arriti ta fitonte duelin me Leo Mesin. Dy prej futbollistëve më të mirë në planet, u vunë përballë njëri tjetrit, pas më shumë se dy vitesh.

Ronaldo arriti që shënonte dy herë në suksesin 0-3 të Juventusit, duke i marrë vendin e parë spanjollëve të Barcelonës. Në takimin tjetër të këtij grupi, Din. Kyiv mori biletën për në Europa League pasi mundi Ferencvaros e Myrto Uzunit.  

Në Grupin E, Chelsea u mjaftua me një barazim ndaj Krasnodar, për të zënë vendin e parë e për të lënë pas vetes Sevillan e cila fitoi 1-3 në transfertë me Rennes.