Vaksina anti-covid në Kosovë, Hoti: Presim të marrim për 20% të popullsisë

Kryeministri Avdullah Hoti ka bërë të ditur përmes një statusi në Facebook dedikuar situatës së COVID-19 se masat e marra nga qeveria, kanë ndikuar për uljen me 15 për qind të numrit të rasteve pozitive.

Por, deri sa të mundësohet vaksinimi i gjysmës së popullsisë, duhet të respektohen rekomandimet e profesionistëve shëndetësorë për mbajtjen e  maskës, respektim të distancës e mbajtje të higjienës.

Sa i perket  vaksinës anti-covid Hoti thekson se si pjesë e koalicionit COVAX  presim të marrim vaksina për 20% të popullsisë.

Në anën tjetër, ministri i Shëndetësisë, Armend Zemaj është në kontakt me kompaninë prodhuese të vaksinës, si dhe po punojmë me vendet partnere për të kërkuar mbështetje direkte nga to.

Insituti Kombëtar i Shëndetit Publik po punon në sigurimin e pajisjeve të nevojshme teknike për ruajtjen dhe shpërndarjen e vaksinës në të gjitha komuna. Instituti ka bërë gati planin e vaksinimit, duke vendosur me prioritet të moshuarit dhe qytetarët me sëmundje kronike, krahas punëtorëve shëndetësorë të cilët janë në ballë të kësaj beteje.

Lexoni gjithashtu:

12 vdekje dhe mbi 450 raste të reja me COVID-19 në Kosovë