Arrestohen 4 pjesëtarë të një grupi kriminal në Berat

Policia e Beratit ka arrestuar 4 pjesëtarë të një grupi kriminal që merrej me shitjen në doza të vogla të kanabisit në qytetin e Kuçovës dhe Beratit.

Policia bën me dije se si rezultat i një hetimi dymujor, me metoda proaktive, në kuadër të operacionit policor të koduar “Vëzhgimi”, u kapën dhe u vunë në pranga shtetasit J. K., 23 vjeç, Gj. B., 26 vjeç dhe K. D. 18 vjeç, të tre banues në Kuçovë, si dhe shtetasi Sh. I., 19 vjeç, banues në Berat.

Nga provat e siguruara nga ky operacion, Gjykata e Shkallës së Parë e Juridiksionit të Përgjithshëm Berat ka caktuar ndaj këtyre shtetasve, masën e sigurisë “Arrest në burg”, pasi dyshohet se vepronin në kuadrin e një grupi kriminal që merrej me shitjen në doza të lëndës narkotike cannabis sativa, në zona të ndryshme të qyteteve Berat dhe Kuçovë.

Gjatë kontrolleve në banesat dhe automjetet e këtyre shtetasve, u gjetën sasi lënde narkotike cannabis sativa, 3 armë të ftohta (2 thika dhe 1 përforcues grushti) dhe municion luftarak.

Materialet në ngarkim të tyre i kaluan prokurorisë së Beratit për kryerjen e veprimeve të mëtejshme.

LEXONI GJITHASHTU:

• Zbardhet shkaku i helmimit masiv në Bulqizë, një 64-vjeçar ndoti tubacionin e ujit
• Kërcënohet furgoni me punonjësit e biznesit, një person i bën pritë i armatosur
• E mbyti të ëmën me qese, detaje nga krimi i rëndë: Djali sa ishte kthyer nga SHBA