Rritja e krimeve në familje, qeveria planifikon amnisti për dorëzimin e armëve

Mbajtja e armëve nga të miturit është kthyer në një fenomen shqetësues për shoqërinë, jo në pak raste ka pasur edhe fatalitete. Së shpejti pritet të ketë një amnisti për dorëzimin e armëve pa leje kjo për shkak të rritjes së numrit të krimeve në familje.

“Ne do të rrisim ndërgjegjësimin e qytetarëve shqiptarë të cilët jo thjeshtë kërkohet si një kërkesë e radhës dhe në fund rezulton pa produkt, por të jetë një ndërgjegjësim masiv mbi risqet e përdorimit të paligjshëm të armëve, mbi mundësitë ligjore në përdorimin e tyre,” – u shpreh zv. ministri i Brendshëm, Besfort Lamallari.

Përmes Strategjisë Kombëtare të Ndërgjegjësimit synohet të rritet edukimi i publikut mbi rrezikun nga armët.

“Nga Policia e Shtetit është krijuar grupi i punës i cili rishikon të dhënat ekzistuese dhe organizon sondazhe mbi tendencën dhe nevojat aktuale për armët e vogla dhe të lehta. Strukturat e Policisë së Shtetit do të rrisin më tej bashkëpunimin me të gjithë aktorët dhe institucionet për finalizimin me sukses të këtij projekti,” – tha drejtori i Departamentit për Sigurinë Publike, Rebani Jaupi.

Tirana, Elbasani dhe Fieri shënojnë numrin më të lartë të incidenteve nga përdorimi i armëve të vogla dhe të lehta.

LEXONI GJITHASHTU:

• Kuleba: Ukraina ka mjaftueshëm armë për kundërofensivën ndaj Rusisë
• Ministri i Jashtëm ukrainas: Kemi mjaftueshëm armë për kundërofensivën ndaj Rusisë