Deputeti i PD: Po më akuzojnë se dua të çoj partinë te Berisha, por ja e vërteta

Deputeti i Partisë Demokratike Lefter Gështenja tha në emisionin Now në Euronews Albania se PD duhet të ndahet një herë e mirë nga modeli 30 vjeçar, duke e hapur partinë mbi bazën e meritokracisë.

Sipas tij, kjo që ndodh sot në PD është shumë  e rëndë, pasi dje Rithemelimi na quante pengje të Ramës, sot kolegë tanët na thonë doni të çoni partinë te Berisha.

“Është shumë e rëndë kjo që ndodh sot me ne, deri dje kur mendonim ndryshe nga Rithemelimi ishim peng i Ramës, sot që ne mendojmë ndryshe si duhet organizuar PD, kolegë të kryesisë thonë doni ta çoni partinë te Berisha. Askush nuk u pengua të shkojë te Berisha në këtë 1 vit e gjysmë. Partia duhet të jetë e hapur, të mos kenë frikë për garë dhe meritokraci, ne themi hape partinë të fitojmë më i mirë, ky ishte debati i djeshëm. Duhet të organizojmë partinë dhe të gjejmë liderin”, tha deputeti i PD.