Alonso rikthehet në pistë, piloti spanjoll i ‘Renault’ më i shpejti në provat e Abu Dhabit

Fernando Alonso me sa duket është gati për rikthimin e tij në garat e Formula 1. Piloti spanjoll, i cili sezonin e ardhshëm do të garojë me ‘Renault’ ishte më i shpejti në testet që po zhvillohen në Abu Dhabi, por duhet thënë që pilotët kryesorë nuk ishin në pistë.

Dy herë kampioni i botës arriti që të linte pas edhe 2 makinat ‘Mercedes’ që drejtoheshin nga pilotë kolaudatorë. Fernando Alonso me sa duke nuk i ka humbur reflekset dhe në sezonin që vjen kërkon që të tregojë se vazhdon të jetë një kampion i madh.

Megjithatë, potenciali i vërtet i makinës ‘Renault’ do të shihet në testet parasezonale të vitit të ardhshëm, kur në pistë do të jenë të gjithë pilotët.

Ndërkohë që edhe Mick Schumacher po bëhet gati për debutimin e tij në Formula 1. Piloti gjerman qëndroi në pistë për rreth 125 xhiro me makinën e tij ‘Hass’, por pa arritur që të jepte kohë të mira. Sezoni i ardhëm i Formula 1 pritet që të nisë në muajin mars të vitit 2021.