Thumanë-Kashar, gati në 2024| Autostrada 21 km e gjatë do jetë me pagesë

Rruga Thumanë-Kashar, pjesë e korridorit Blu po ecën me ritme të shpejta. Deri më tani në këtë autostradë janë kryer 40% e punimeve.

“Për të thënë të drejtën punimet kanë ecur shumë mirë. Siç e shikoni kantieri është totalisht i angazhuar dhe bëhet fjalë për 40% të punimeve të volumeve që tashmë janë të dorëzuar,” – u shpreh ministrja e Infrastrukturës, Belinda Balluku.

Drejtuesit e qeverisë, të cilët ishin për inspektim në kantierin e rrugës, thonë se në të do të ndërtohen edhe vepra inxhinierike, si ura e nënkalime, ndërsa kalimi i saj do të jetë më pagesë.

“Në autostradën e shpejtësisë ku shpejtësia arrin deri në 140 kilometra në orë, por që sigurisht është me pagesë ose rrugët paralele të cilat do të jenë të kategorisë së superstradave që do të jenë pa pagesë. Do të ketë 11 ura, 12 nënkalime,” – tha Balluku.

Ndër të tjera ajo është shprehur se brenda 12 muajsh kjo rrugë do të jetë e aksesueshme për qytetarët.

LEXONI GJITHASHTU:

• Shkrumbohet makina në autostradën Tiranë-Durrës, dyshimet e para
• Aksident me vdekje në aksin Fushë Krujë-Thumanë