“Lista e zezë” për udhëtimet në BE, Ballkani mbetet sërish jashtë

Këshilli ka përditësuar listën e vendeve ndaj të cilave mund të fillohet të hiqen sanksionet për sa i përket udhëtimeve.

Sipas këtij rekomandimi, vendet e anëtare mund të fillojnë të heqin kufizimet si dhe të hapin kufijtë për banorët e këtyre shteteve:

• Australia
• Japonia
• Zelanda e Re
• Ruanda
• Singapori
• Koreja e Jugut
• Tailanda
• Kina, në bazë të konfirmimit të reciprocitetit

Kriteret mbi të cilat vendoset nëse duhen hequr kufizimet e udhëtimeve për vendet jashtë BE janë: situata epidemiologjike dhe masat e ndërmarra duke përfshirë rregullat për distancimin fizik, si dhe gjendja ekonomike e sociale.

Vendet e Ballkanit Perëndimor kanë mbetur sërish jashtë kësaj liste për shkak të shifrave të larta që janë regjistruar gjatë muajve të fundit.

Në Shqipëri u raportuan 787 raste të reja gjatë ditës së sotme, ndërsa Maqedonia e Veriut 654 raste.

Mali i Zi regjistroi 432 raste të reja dhe 74 viktima gjatë 24 orëve të fundit.

Po ashtu dhe Serbia ka shënuar shifra rekord gjatë muajve të fundit, ndërsa ditën e sotme 5,129 qytetarë rezultuan pozitiv për COVID-19, ndërsa numri i viktimave që prej fillimit të pandemisë ka shkuar 2,529.

Lexoni gjithashtu

• COVID-19 në Evropë, ashpërsohen masat në prag festash, nga sot Gjermania në izolim
• Rikthehet izolimi në Evropë, Holanda mbyllet për pesë javë, shtohen masat kufizuese në Britani e Gjermani
• Agjencitë europiane sugjerojnë heqjen e karantinës për udhëtimet deri në 72 orë