Leku i reziston euros, 2019-a mbyllet me kursin 121.77 nga ai 125 në fillim të vitit

Monedha jonë kombëtare e ka “mundur” tërmetin dhe shokun psikologjik të krijuar prej tij mbi konsumin. Sipas Bankës së Shqipërisë, Euro sot këmbehet me 121.77 lekë. Kjo vlerë është 3.6 për qind më ë ulët se raporti një euro-125 lekë, me të cilin nisi janari 2019.

Rënia në konsum në dy javët e para pas tërmetit u rikuperua nga konsumi normal i qytetarëve gjatë festave të fundvitit. Shtuar kjo dhe nga parashikimet e ekspertëve se euro ulet gjatë fundvitit për shkak të fluksit të turistëve.

 “Aspekte të tjera kanë të bëjnë me faktorë që lidhen me rritjen e dërgesave të emigrantëve, me një fluks të shtuar turistësh dhe shtim të aktivitetit të ekonomisë informale”, – thotë Elvin Meka, ekspert ekonomie

Nëntori u mbyll me mbi 260 mijë vizitorë të huaj, duke arritur 6.1 milionë turistë përgjatë vitit.

Rezistenca e lekut është një shenjë orgurmirë për rritjen ekonomike nga rindërtimi gjatë 2020, pasi historia ka treguar se monedha kombëtare zhvlerësohet kundrejt valutës pas një fatkeqësie natyrore.