Babë e bir me origjinë shqiptare rrahin me bastun grekun në mes të rrugës

Një incident i paprecedentë dhune ka ndodhur në mes të rrugës në Agios Nikolaos të Kretës.

Dy shqiptarë sulmuan një burrë, i cili në momentin e sulmit po ngiste biçikletën.

Mediat e huaja shkruajnë se pasi e kanë rrëzuar në tokë, babë e bir filluan ta godasin me bastun kryesisht në kokë dhe pjesë të tjera të trupit.

Ata gjithashtu e goditën me grushte dhe shqelma.

Mësohet se burri ka marrë plagë të rënda, të cilat konsiderohen të rrezikshme për jetën.

Kalimtarët dhe fqinjët dolën në rrugë dhe u përpoqën të shpëtonin burrin i cili u rrah për 4 minuta.

Menjëherë në vendngjarje ka mbërritur një makinë patrulluese e policisë, e cila ka konstatuar gjendjen kritike të viktimës.

Dy shqiptarët, babë e bir jetojnë në Agios Nikolaos. Ndaj tyre ka nisur procedimi penal dhe janë dërguar të martën në komisariatin e Agios Nikolaos dhe sot, të mërkurën, në prokurori.

Sipas informacioneve, nga të dyja palët janë ngritur padi dhe tani e tutje drejtësia do të thotë fjalën e saj.

LEXONI GJITHASHTU: 

• Tensionet SHBA-Kinë, Biden e quan Xi diktator një ditë pas bisedimeve në Pekin
• I shpallur në kërkim nga Italia për trafikim droge, arrestohet 26-vjeçari në Tiranë