Rast i rëndë dhune në Korçë, burri i thyen këmbën gruas dhe nuk e çon në spital

Një rast i rëndë dhune në familje ka ndodhur në qytetin e Korçës. Burime bëjnë me dije se 55 vjeçarja Diana Mulla është dhunuar nga bashkëshorti i saj, Fatos Mulla, i cili e ka hedhur nga shkallët e shtëpisë private duke i shkaktuar thyerje të këmbës së djathtë.

Ngjarja ka ndodhur 6-ditë më parë, teksa është bërë publike vetëm ditën e sotme kur 55-vjeçarja ka shkuar të marrë mjekim në spital.

Bashkëshorti mësohet se e ka mbajtur në banesë me këmbën e thyer deri ditën e djeshme.

55 vjeçarja ka rrëfyer përballë mjekëve dhunën e ushtruar ndaj saj. Ajo raportohet se vuan nga probleme shëndetësore, pasi ka pësuar paralizë më herët, por vuan edhe nga zemra.

Ajo tregoi se bashkëshorti e dhunonte prej kohësh, ndërsa nuk ka guxuar ta denoncoje për shkak të frikës.

Denoncimi u bë në polici këtë të enjte nga ana 55-vjeçares, ndërsa bashkëshorti Fatos Mulla u shoqërua në komisariat për të dhënë deklaratën e tij dhe për t’u përballur me veprën penale, që do të përcaktohet nga prokurori i gatshëm.

Shkak për shtyrjen ka qenë një motiv banal, një gotë vaji, siç thuhet nga ana e të dhunuarës. Përgjatë këtyre ditëve bashkëshorti nuk e ka lejuar të kontaktojë me familjarët e saj, ndërsa bëhet me dije se vajza e vetme e çiftit jeton prej vitesh në Itali.

LEXONI GJITHASHTU:

• Po pastronin shtratin e lumit, punonjësit gjejnë mbetjet e një njeriu në Pogradec
• Bie nga kati i 7-të i një pallati gruaja në Tiranë, ndërron jetë në vend
• “Parashikoj të ardhmen” Kjo është fallxhorja e arrestuar për mashtrim në Fushë-Krujë