Të afërmit e viktimave të nëndetëses kërkojnë hetim për tragjedinë

Të afërmit e Hamish Harding, një nga 5 viktimat e tragjedisë së nëndetëses Titan ka bërë thirrje për një hetim të plotë për vdekjen e pesë pasagjerëve në thellësi të Atlantiku.

Në një intervistë me korrespondenten speciale të BBC-së, Lucy Manning, Lucy Cosnett pyeti se çfarë kontrollesh sigurie kishin qenë në vend përpara tragjedisë.

“Duhet të hetohet plotësisht, për të parë se çfarë shkoi keq, pse ndodhi, pse ata nuk mbijetuan”, tha Cosnett.

“Harding do të kishte ditëlindjen nesër. Ai do të ishte 59 vjeç. Do t’i kisha dërguar një mesazh ose do të përpiqesha ta telefonoja për t’i uruar ditëlindjen”, tha më tej ajo.

Duke reflektuar për ditët e fundit, Cosnett tha: “Kur lexova se kishin dëgjuar zhurma përplasjeje, ndihesha me shpresë se ndoshta po vinte nga nëndetësja. Por dje ishte më e keqja kur dëgjova se ai nuk ia doli, se të gjithë vdiqën”, tha ajo.

LEXONI GJITHASHTU:

• Sa ekspedita ka bërë nëndetësja Titan? Video që shpjegon si ka ndodhur shpërthimi
• VIDEO| Momentet e fundit të kapura në kamera nga nëndetësja “Titan”