Krishtlindjet në Korçë, kremtohen me dy mesha të ndryshme

Krishtlindjet u festuan edhe në Korçë, në katedralen “Ringjallja e Krishtit”. Ndryshe nga çdo vit tjetër, këtë herë u kremtua me dy mesha të ndryshme.

“Këto Krishtlindjet sivjet duken shumë ndryshe nga Krishtlindjet e tjera për arsye dhe shkak të pandemisë. I uroj gjithë besimtarëve të krishterë, Gëzuar Krishtlindjen dhe qoftë një vit i mbarë për gjithë shqiptarët”, shprehet një familjar.

“Është bukur, në fakt sivjet akoma dhe më tepër jemi bashkuar me shume me familjen dhe i uroj gjithë besimtarëve gëzuar Krishtlindjen dhe festa të bekuara kudo që ndodhen”, thotë një vajzë e re.

“Nuk ishin të thjeshta, duhet të respektonim distancimin social sikundër nuk ndodhte në asnjë festë që të festoheshin në distancë me njerëzit e dashur por gjithsesi uroj vite më të mira dhe Krishtlindje me të gëzuara për të gjithë”, tha një adoleshent.

Për shkak të pandemisë u mbajtën dy mesha, në 07:00 dhe 10:00 që të gjithë besimtarët të kishin mundësi të merrnin pjesë.