Begaj i uron mirëseardhjen Bill Clinton: Shqiptarët ju janë përjetë mirënjohës

Presidenti Bajram Begaj i ka uruar mirëseardhjen në Shqipëri ish-presidentit amerikan Bill Clinton. Përmes një reagimi në rrjetin social facebook, Begaj i shpreh mirënjohjen ish-presidentit amerikan për gjithçka që ai ka bërë për kombin shqiptar dhe në veçanti për Kosovën.

“Mirësevjen në Tiranë Presidenti Clinton! Shqipëria dhe shqiptarët ju janë përjetë mirënjohës për gjithçka që keni bërë për kombin tonë e në veçanti për Kosovën.

Vendimmarrja dhe lidershipi juaj në ditët më vendimtare për të ardhmen e Kosovës ju kanë vendosur në piedestalin e miqve tanë më të shtrenjtë. Ju faleminderit nga zemra!”, shkruan Begaj në facebook.

LEXONI GJITHASHTU:

• “Miku i përjetshëm i shqiptarëve”, Rama publikon foton e parë me Clinton në Shqipëri
• Mbërrin në Rinas ish-presidenti amerikan Bill Clinton, pritet nga kryeministri Rama