Ministrja e Financave: Populli do të vuante nga çmimet e larta nëse ne…

Ministrja e Financave, Delina Ibrahimaj tha në një intervistë për “Now me Erla Mëhillin” në Euronews Albania se populli do të vuante nga çmimet e larta nëse inflacioni në Shqipëri do të ishte po aq i lartë sa në vendet e rajonit.

Ajo shpjegoi këtu dhe ndikimin e regjimit të kursit fleksibël të këmbimit.

“Regjimi i kursit fleksibël të këmbimit ka ndihmuar ekonominë shqiptare në përballimin e krizave, pra ka shërbyer si një amortizator në përballimin e krizave të njëpasnjëshme që ekonomia ka kaluar gjatë viteve të fundit.

Mund t’ju marr vetëm një shembull. Ne kemi nënvizuar disa herë se inflacioni në vend ka qenë ndjeshëm më i ulët se inflacioni në vendet e rajonit, apo inflacioni në vendet e BE-së, qoftë inflacioni total, qoftë inflacioni i ushqimeve dhe pijeve që më së shumti ndihen në shportën e konsumit dhe shpenzimet familjare. Pjesë e pasjes së një inflacioni jo aq të lartë ka qenë dhe efekti i kursit të këmbimit duke shërbyer si amortizator për të amortizuar rritjen e çmimeve në tregjet ndërkombëtare,” – u shpreh Ibrahimaj.

LEXONI GJITHASHTU:

• Ibrahimaj: Rritja ekonomike në 3-mujorin e parë 2,72 %, kontribut pozitiv ndërtimi
• Ibrahimaj: Qeveria ka shkarkuar Safet Gjicin