“Prigozhin nuk është në Bjellorusi”- Lukashenko zbulon ku ndodhet kreu i Wagner
Vendndodhja e kreut të Wagner Yevgeny Prigozhin ka qenë një mister që nga trazirat e fundit të rebelimit në Rusi.
Sipas marrëveshjes për t’i dhënë fund kësaj grindjeje, akuzat kundër tij u hoqën dhe iu ofrua të zhvendosej në Bjellorusi.
Por të enjten, udhëheqësi i Bjellorusisë, Aleksandër Lukashenko ka mohuar që Prigozhin të jetë në territorin e shtetit të tij.
“Sa për Prigozhin, ai ndodhet në Shën Petersburg. Ai nuk është në territorin e Bjellorusisë”, tha Lukashenko.
Lukashenko ndihmoi në ndërmjetësimin e marrëveshjes për t’i dhënë fund kryengritjes dhe jo më shumë se një javë më parë tha se Prigozhin kishte mbërritur në Bjellorusi.
BBC gjurmoi avionin privat të Prigozhin që fluturoi për në Bjellorusi në fund të qershorit dhe u kthye në Rusi po atë mbrëmje.
Që atëherë, ai ka bërë disa fluturime midis Shën Petersburgut dhe Moskës – megjithëse nuk është e qartë nëse Prigozhin ka qenë në avion. BBC gjithashtu nuk mund të verifikojë konstatimin e Lukashenko për vendndodhjen aktuale të liderit Ëagner.
Të enjten, Lukashenko shtoi se “me sa di” pjesa tjetër e luftëtarëve Wagner ishin ende në bazat e tyre – të cilat mund të përfshijnë Ukrainën lindore ose një bazë stërvitore në rajonin Krasnodar të Rusisë.
Udhëheqësi i Bjellorusisë tha se një ofertë për Ëagnerin për të vendosur disa nga luftëtarët e saj në Bjellorusi – një perspektivë që ka alarmuar vendet fqinje të NATO-s – ende qëndron dhe ai ka ofruar disa baza ushtarake të epokës sovjetike për përdorimin e tyre.
“Por Ëagner ka një vizion tjetër,” tha ai, duke shtuar: “Sigurisht që nuk do t’ju tregoj për këtë.”
“Për momentin çështja e zhvendosjes së tyre nuk është zgjidhur akoma”.
LEXONI GJITHASHTU:
SpaceX drejt ofertës publike fillestare më të madhe në histori, prej 75 miliardë dollarësh
Dhoma e Përfaqësuesve miraton masën për t’i dhënë fund luftës në Iran
Partia Demokratike në pushtet fiton zgjedhjet lokale në Korenë e Jugut
- 09:11 SpaceX drejt ofertës publike fillestare më të madhe në histori, prej 75 miliardë dollarësh
- 09:08 Policia del me njoftim zyrtar: Si u vra efektivi dhe u plagos kolegu i tij, detajet nga operacioni
- 08:50 Një mbeti i vrarë dhe tjetri u plagos, zbardhen emrat e efektivëve që u qëlluan me armë në Maliq
- 08:43 Dhoma e Përfaqësuesve miraton masën për t’i dhënë fund luftës në Iran
- 08:40 Partia Demokratike në pushtet fiton zgjedhjet lokale në Korenë e Jugut
- 08:35 Vrasja e policit në Korçë, kush është autori dhe si hapi zjarr ndaj efektivëve pasi i pikasi