Lukashenko e konfirmon: Prigozhin është në Bjellorusi

Lideri bjellorus, Aleksandër Lukashenko tha se themeluesi i Wagner-it, Yevgeny Prigozhin, ndodhet në Bjellorusi.

“Po, ai sot është në Bjellorusi”, citohet të ketë thënë Lukashenko sipas agjencisë shtetërore të lajmeve bjelloruse, Belta.

Lukashenko ka ndërmjetësuar një marrëveshje me Moskën, sipas së cilës, luftëtarët dhe shefi i Ëagner-it do të lejohen të qëndrojnë në Bjellorusi, pas rebelimit të grupit mercenar gjatë fundjavës.

Pas ndërprerjes së rebelimit, Kremlini deklaroi se Prigozhin ishte nisur drejt Bjellorusisë. Por, më 26 qershor, gjatë adresimit përmes një audio-mesazhi, Prigozhin nuk tregoi vendndodhjen e tij.

LEXONI GJITHASHTU:

• Media ruse: Prigozhin ende nën hetim në lidhje me kryengritjen
• SHBA: Rebelimi i Prigozhinit kundër Moskës, “krisje e madhe” në sundimin e Putinit