Alarm i kuq në 16 qytete italiane për shkak të temperaturave ekstreme

Alarme të kuqe janë lëshuar në 16 qytete të Italisë, pasi i nxehti ekstrem vazhdon të shtrihet në pjesën jugore të Evropës.

Alarmet – që nënkuptojnë se moti aktual përbën rrezik edhe për personat e shëndetshëm – janë aktivizuar në Romë, Firence dhe Bolonja për disa ditë.

Sipas parashikimeve, Evropa pritet të përballet me temperatura edhe më të larta në javën e ardhshme.

Sipas Agjencisë Hapësinore Evropiane, Italia, Spanja, Franca, Gjermania dhe Polonia, mund të përballen me kushte klimatike ekstreme.

Kjo agjenci monitoron temperaturën e tokës dhe ujit të detit përmes satelitëve që ka.

Disa ditë me mot të nxehtë konsiderohen normale, mirëpo kohëve të fundit numri i tyre po rritet në nivel global, si pasojë e ngrohjes globale.

LEXONI GJITHASHTU:

• Temperaturat e larta detyrojë Greqinë të mbyllë Akropolin
• I nxehti afrikan ‘djeg’ Shqipërinë, temperatura rekord në Elbasan