Shpërdorim detyre e korrupsion, Policia e Beratit arreston 2 punonjës të IKMT Tiranë

Dy punonjës të IKMT-së Tiranë janë arrestuar pasditen e sotme nga policia e Beratit.

Ata janë arrestuar në banesat e tyre në qytetin e Tiranës dhe janë sjellë në ambjentet e Komisariatit të Policisë Berat, pas masës së sigurisë “arrest në burg” që është dhënë sot për ta,në mungesë, nga Gjykata e Shkallës së Parë Berat.

Punonjësit E.B dhe A.D, të dy inpektorë të IKMT-së, mësohet se akuzohen për “korrupsion” dhe “shpërdorim detyre”.

Bëhet e ditur se këta dy shtetas ishin në hetim penal nga Prokuroria e Beratit që prej vitit 2021.

Nga hetimet e kryera me metoda proaktive, përgjime, vëzhgime,  ka rezultuar se dy punonjësit e IKMT-së shkonin për kontrolle në shumë subjekte të përpunimit të pllakave të gurit dekorativ në Malin e Tomorrit dhe në këmbim të vlerave monetare që merrnin nuk mbanin asnjë akt-konstatimi për shkeljet e evidentuara nga firmat e gurit në Tomorr.

LEXONI GJITHASHTU: 

• Escobar: Kemi marrë zotime që Serbia nuk do t’i refuzojë zgjedhjet në veri
• “Aeroporti i Rinasit më i madhi në 6 vendet e BP”, ja sa pasagjerë kalojnë në vit